Páskarnir nálgast og Gómarnir æfa

Sönghópurinn Gómar æfir nú sem aldrei fyrr fyrir páskahelgina en Gómar verða með söngskemmtun í Allanum laugardaginn 3 apríl. Siglo.is rann á ljúfa tóna úr æfingarhúsnæði Góma í gær og náði nokkrum myndum af Gómunum og forvitnaðist um dagskrána á laugardeginum. Efri Gómur Birgir lofar góðri skemmtun með fjölbreyttu lagavali og skemmtiefni t. d. verður hægt að heyra tóna frá Eagles, Herman Hermits ásamt fjölbreyttu íslensku lagavali og að sjálfsögðu gömlu og góðu siglfirskuefni.


 Annars verður dagskráin auglýst betur seinna að sögn efri Gómsins Birgis og mun þar verða ýmislegt óvænt.