Von um loðnu ?

Hafrannsóknaskipið Árni Friðriksson, sem nú er djúpt austur af Langanesi, fann þar loðnutorfu í gær. Unnið er við rannsókn á sýnishornum um borð.

Loðnuskipið Súlan, sem hefur verið að leita loðnu norður af landinu, hefur hinsvegar ekki fundið neitt umtalsvert magn.
Nú eftir hádegið í dag lá þetta kunna loðnuveiðiskip við löndunarbryggju Síldarvinnslunnar á Siglufirði, og minnir þar óneitanlega á gömlu góðu dagana þegar Súlan kom þangað ásamt fleiri skipum með fullfermi af loðnu.

Tímar sem vart eiga eftir að endurtaka sig við þessa bryggju, Óskarsbryggju í framtíðinni þar sem nauðsynlegur löndunarbúnaður er ekki lengur til staðar á Siglufirði, svo og annar nauðsynlegur búnaður til loðnuvinnslu.