Loforðið

Þegar stúlkurnar í 5. fl. kv. í KS fóru suður til að keppa í úrslitum í innanhúsfótboltanum tóku þær loforð af öðrum þjálfaranum, að ef þær ynnu mótið þá færi hann með þær til Bessastaða til að hitta forseta Íslands hr. Ólaf Ragnar Grímsson og helst líka Dorrit.
Ekki komust stelpurnar í úrslitaleikinn en tóku aftur upp samningaviðræður um að ef þær yrðu í 3. sæti þá yrðu Bessastaðir heimsóttir. Enn á ný féllst þjálfarinn á þennan ráðahag hjá stúlkunum og í 3. sæti lentu stúlkurnar. Eftir sturtu og svala var svo haldið á Bessastaði og kom það mönnum mikið á óvart að stelpurnar og þjálfarinn ( Óli Agnars ) nánast láu á gluggunum á forsetabústaðnum eins og ekkert væri sjálfsagðara. Allir hrukku í kút er hurðin opnaðist og út gekk forsetinn Ólafur Ragnar Grímsson og hundurinn Sámur, spjallaði Ólafur við stelpurnar og bauð uppá dökkt heilsusúkklaði að sögn stúlknanna.