Góð stemming á sýningu Ljósmyndaklúbbs Fjallabyggðar
Ljósmyndaklúbbur Fjallabyggðar opnaði sýningu sína "Sumarauka" í dag kl. 13.00 á fyrsta vetrardag í Bláa húsinu við Rauðkutorg.
Mikill fjöldi gesta hefur lagt leið sína það sem af er degi til að njóta fallegra ljósmynda sem sautján þátttakendur leggja til á þessa fjölmennu sýningu ljósmyndara í Fjallabyggð.
Skemmtilegt er að geta þess að 70 ára aldursmunur er á milli yngsta og elsta þátttakandans, þeirra Steingríms Kristinssonar og Mikaels Sigurðssonar.
Sýningin er opin í dag laugardaginn 24. október og líkur á morgun sunnudaginn 25. október kl. 17.00
Við bjóðum alla velkomna til að njóta sýningarinnar með okkur og þiggja kaffi og kruðerí.
Sýningarsalurinn í Bláa húsinu
Björn Valdimarsson að mynda þá Sigurð Ægisson og Mikael Sigurðsson við myndir þeirra feðga.
Thomas Fleckenstein einn þátttakenda að spjalla við einn af gestunum
Sveinn Þorsteinsson einn af sýnendum ásamt eiginkonu sinni
Hilmar Stefánsson er langt að kominn og skellti sér auðvitað á sýninguna ásamt Steinu Matt
Þær Dóra og Ranna kátar með sýninguna. Þess má geta að tvö af börnum Dóru eiga verk á sýningunni, þau Dóra Sallý og Nonni Björgvins
Mikið verið að spá og spekúlera
Myndir: Kristín Sigurjónsdóttir
Texti: Kristín Sigurjónsdóttir
Athugasemdir