Grétar lagði upp mark í stórsigri Bolton

Grétar Rafn Steinsson og félagar í Bolton gerðu góða ferð til Sunderland í dag þar sem þeir lögðu heimamenn, 4:1, í fimmtándu umferð ensku úrvalsdeildarinnar í knattspyrnu í dag.
Fjórir aðrir leikir fóru fram á sama tíma. Grétar Rafn lagði upp jöfnunarmark Matthew Taylor eftir að Djibril Cisse hafði komið Sunderland yfir, og endurtók þar með leikinn frá því um síðustu helgi þegar hann lagði einnig upp mark auk þess að skora annað. Tvö mörk frá Johan Elmander og mark frá Gary Cahill tryggðu Bolton svo sigurinn, en þetta er annar útileikurinn í röð sem Bolton vinnur með sannfærandi hætti.
Íþróttir | mbl.is