Handbolti á Siglufirði

Handknattleiksáhugamenn á Siglufirði hafa stofnað handknattleiksdeild og ætla sér að taka þátt í Norðurlandsriðli Utandeildarinnar.


Liðið hefur undanfarin ár tekið þátt í bikarkeppni HSÍ og hefur það ávalt verið til gamans gert, en þó með undirliggjandi alvöru og metnaði til þess að standa sig.

Liðið er aftur skráð til leiks þetta árið, en nú á að stíga skrefinu lengra og er búið að skrá liðið í Norðurlandsriðil utandeildarinnar.

Það er allt útlit fyrir flotta keppni í Norðurlandsriðlinum en skráð eru til leiks fimm lið : Siglufjörður, Hamrar frá Akureyri, Höttur, Laugar og Völsungur.

Siglfirðingar mega því eiga von á handknattleiksveislu í vetur.

Fyrsta æfing verður á maánudaginn kl 20:00 í íþróttamiðstöðinni á Siglufirði.

Allir þeir sem hafa áhuga að taka þátt eru hvattir til þess að mæta.