Héðinsfjarðargöng

Í morgun um vaktaskiptin voru Metrostav menn að ljúka við moka síðasta grjótinu eftir sprengingu snemma í morgun upp á bílana. 1721 metrar eru göngin orðin Héðinsfjarðarmegin og 58 metrar frá síðasta fimmtudegi.

Bergið hefur verið þokkalegt og ekkert vatn að tefja.
Í dag koma þeir svo vélbúnaði sínum í startholurnar, en ekki verður borað eða sprengt fyrr en eftir áramótin 6.-7. janúar.

Metrostavmenn fara áleiðis heim í jólafrí á laugardaginn.

Í morgun unnu Metrostav menn einnig inni í göngunum Siglufjarðarmegin við að þrífa loft og veggi ganganna og múrhúða þrifalag.

Háfellsmenn voru einnig á fullu við að grafa og laga ræsi sitthvoru megin í göngunum og undirbúa lagningu dreyrlagna og annarra lagna sem koma meðfram gangagólfinu.

Nýbúið var að steypa eina færsluna Siglufjarðamegin við vegskálann. Héðinsfjarðarmegin eru þrifalög að stórum hluta tilbúin og steypt, og í dag mun svo fyrsta steypan í sökkul undir vegskálann þar verða steypt. Háfellsmenn fara í sitt jólafrí á morgun og koma aftur þann 5. janúar til starfa. 

 Myndir HÉR



Ólafsfjarðamegin hefur gengið mjög vel og þar eru þeir komnir í 4363 metra, 76 m. frá síðasta fimmtudegi. Ekkert vatn að angra þá, en við rannsóknarholu í gærkveldi urðu þeir varir við vatn framundan, 200-300 m²/m
Sennilega sprengja þeir eina hleðslu áður en þeir fara í jólafrí.

Nú eru eftir aðeins um 816 metrar eða 8% eftir af heildarborun Héðinsfjarðaganna