Hótel Sunna

Síðastliðið vor var gamli Sunnubrakkinn brenndur og hreinsað til á lóðinni þar sem hann stóð.  Það var ekki fyrr en þessi gamla bygging var horfinn að menn uppgötvuðu hvað mikill líti á miðbænum þetta sögufræga hús var orðið.

Áður en Sunnubrakkanum var fargað sendi Rauðka ehf. bréf til byggingar- og skipulagsnefndar þar sem kom fram að félagið hygðist byggja á lóðinni og óskaði eftir viðræðum um nærliggjandi lóðir.
Í framhaldinu var Jón Steinar Ragnarsson fenginn til að teikna grunnhugmynd af hóteli sem stæði við smábátahöfnina. Nú hefur Jón Steinar skilað af sér fyrstu hugmyndum um útlit og staðsetningu hótelsins.

Hugmyndin gengur út á þrjár samtengdar byggingar. Austur/vestur álmu sem stæði á gömlu Sunnu lóðinni og miðálmu með framhlið í norðaustur og síðan norður/suður álmu sem að byggð yrði á garði með litla smábátahöfn fyrir innan.
64 herbergi yrðu i hótelinu ásamt morgunverðarsal og setustofu.
Allt útlit hótelsins tæki mið af nærliggjandi byggingum og þeirri byggingarhefð sem einkenndi þetta svæði á árum áður.

Rauðka ehf. áætlar að kynna hugmyndir sínar fyrir Hafnarnefnd/Byggingarnefnd um miðjan apríl.
Ef af byggingu hótelsins verður munu framkvæmdir hefjast á vordögum 2011 og hótelið tekið í notkun eigi síðar en vorið 2013.

Með auknum ferðamannastraum við opnun Héðinsfjarðargangna og með enn frekari markaðssetningu á Siglufirði sem skíðabæ þá telja forsvarsmenn Rauðku ehf. að ágætur rekstrargrundvöllur sé fyrir hóteli af þessari stærð.