Hraðamyndavélar í Héðinsfjarðargöng

Senn líður að opnun Héðinsfjarðarganga og styttist í verklok, en vígja á göngin um mánaðarmótin september/október. Það er að mörgu að huga áður en göngin verða klár og ýmis verkefni sem þarf að leysa áður en fyrstu bílum verður hleypt í gegn.

Eitt af þessum verkefnum er uppsetning hraðamyndavéla til þess að fylgjast með ökuhraða í göngunum. Ríkiskaup, fyrir hönd Vegagerðarinnar hefur óskað eftir tilboðum í hraðamyndavélar með öllum búnaði auk skápa fyrir vélarnar. Það er því vissara fyrir ökumenn að halda löglegum ökuhraða í göngunum og passa upp á bensín fótinn.

Tilkynninguna frá Ríkiskaupum má sjá hér.