J.E. vélaverkstæði og Siglufjarðar Seigur

Fyrirtækið Siglufjarðar Seigur ehf. framleiðir glæsilega trefjaplastbáta með vörumerkinu "Seigur". Fréttamaður siglo.is kíkti á verkstæðið og fylgdist með framleiðslunni.


Siglufjarðar Seigur sérhæfir sig í nýsmíði á bátum, breytingum og viðgerðum. Þegar fréttamann bar að garði voru starfsmenn að vinna að nýsmíði báts sem áætlað er að klárist fyrir mánaðarmót.

Þegar báturinn er tilbúinn heldur hann til Akraness, þar sem hann verður gerður út. Bátarnir frá verkstæðinu fara vítt og breitt um landið, auk þess hafa bátar verið seldir til Noregs.

JE vélaverkstæðið er helmings eigandi á móti Seiglu frá Akureyri að Siglufjarðar Seigur ehf. Skrokkur stærri bátanna kemur frá Seiglu og báturinn er svo fullunninn á Siglufirði.

Þetta eru glæsilegir bátar sem verið er að framleiða og greinilega öflugt fyrirtæki hér á ferð.



Báturinn er svo sannarlega glæsilegur og aðstaða fyrir sjómenn til fyrirmyndar.



Það var nóg að gera í vinnunni hjá Sigurði Þór Ómarssyni.