Sigló.is boðið á fundi með sóknarnefnd

Gamli kirkjugarðurinn

Á sunnudagseftirmiðdag var fréttaritara Sigló.is boðið á fund með sóknarnefnd Siglufjarðar.

Farið var skilmerkilega í gegnum langan spurningalista sem fréttaritari hafði með sér og þær spurningar komu frestar frá vörum bæjarbúa. 

Sóknarnefnd svaraði skilmerkilega öllum spurningum og einnig voru rædd ýmiskonar hliðarmál varðandi meðal annars fjármál sjálfrar kirkjunnar, verktakamál, breyttar reglugerðir, samstarf við bæjarráð, framtíðarplön kirkjugarðsmála bæjarins og fleira. 

Fréttarritari þakkar fyrir góðan og langan fund og er í skrifandi stund að vinna úr öllum gögnum og upplýsingum sem fram komu á fundinum og jafnframt að leita heimilda frá öðrum aðilum sem telja sig eiga hlut að málinu. 

Sóknarnefnd harmar mjög það ástand sem hefur átt sér stað varðandi umhirðu og frágang í kirkjugörðum bæjarins og lýsir eftir góðri samvinnu við alla sem geta lagt hönd í bagga til að þessi mál leysist á farsælan hátt nú og til frambúðar.

Áfram verður unnið í sjálfboðavinnu í báðum görðunum á næstu dögum til að reyna að laga þetta af einhverju leiti.

Lengri grein um fund Sigló.is og sóknarnefndar kemur seinna í vikunni.

Sjá áður birtar myndir og greinar um kirkjugarða Siglufjarðar:

Hörmungar ástand í kirkjugarðinum (Syðri)                                                                                                 

Og hvernig er svo ástandið í gamla kirkjugarðinum ? 
                                                                                                                                                                                                 
Pistill: Kirkjugarðavandamál Siglfirðinga eru grafalvarleg mál

Mynd og texti: Jón Ólafur Björgvinsson
Fréttasími: 842-0089