Krían er komin!

Fyrstu kríurnar sáust fimmtudaginn 30. apríl þegar nemendur 6. bekkjar grunnskólans fóru í hreinsunarferð fram á fjörð. Þær voru átta talsins og sátu á planka  sýnilega þreyttar eftir hnattflugið. Það var Eyrún Brynja Valdimarsdóttir sem var fyrst til að koma auga á þær. Minna má á að 6. bekkur varð þess heiðurs aðnjótandi nýlega að vera valinn "varðliðar umhverfisins" af umhverfisráðuneytinu. Nánari fréttir af umhverfisverkefnum 6. bekkjar eru á heimasíðu bekkjarins - sjá: www.123.is/arg97gs