Krílamót BYKO í blíðunni

Föstudaginn 31.júlí fór fram krílamót BYKO í blíðskapar veðri á strandblaksvellinum við Rauðku á Siglufirði.

Sjö pör mættu til leiks á aldrinum 10-15 ára og skemmtu sér konunglega í sandinum. Margir hörkuleikir voru spilaðir og sáust fjölmörg glæsileg tilþrif hjá ungviðnum okkar.

Í lok móts fengu allir keppendur sundpoka og buff frá BYKO og ís frá Kjörís ásamt því að öll pörin fengu verðlaun.

Mótshaldarar vilja þakka eftirtöldum fyrirtækjum fyrir stuðninginn: BYKO, Kjörís, Höllin Ólafsfirði, NIVEA, Siglósport og Íþróttamiðstöð fjallabyggðar.