Lesblinda

Glímir þú við lesblindu ? Var titill auglýsingar um kynningarfund um lesblindu, sem haldinn var í fundarsal Einingar-Iðju í kvöld.

Þar mætti undirritaður til að forvitnast um álit fræðimanna á lesblindu þar sem hann hefur frá barnæsku verið háður þeim kvillum sem lesblindu fylgir, án þess þó að hafa gert sér grein fyrir eða vitað mikið um lesblindu eða ástæður hennar, annað en það sem hann þekkir af eigin reynslu.

En í sem stystu máli þá var þessi fyrrnefndi fundur og erindi til þeirra sem þar voru mættir, þeim ekki aðeins fróðlegir, heldur einnig gefandi og persónulegir.

Fyrir kynningunni stóðu þeir Sturla Kristjánsson stofnandi og eigandi www.les.is og Jón Einar Haraldsson www.laesir.is
 
Þarna voru því miður allt of fáir mættir, en þeir sem þarna komu til að hlusta, fóru fróðari af fundi, þar á meðal ég sem nú skildi betur ástæður fyrir því hversu stutt skólaganga mín þyrnum stráð var.  

Takk fyrir félagar Sturla og Jón.
(sk)

ES. Það var tilviljun sem réði því að myndavél konu minnar var í vasa mínum, og því meðfylgjandi mynd, en erindi mitt á fundinn hafði ekki verið fréttamennska.