Línuútgerð frá Siglufirði

Góður afli hefur verið það sem af er sumri hjá línubátunum. Bátsverjar á Baddý GK, (einu sinni  SI 277) kom úr róðri til Siglufjarðar  upp úr klukkan 17:00 í dag.

Þeir voru óvenju margir um borð að þessu sinni eða sex. 
Þeir sögðust vera með tvo unga sjómenn í þjálfun, til að geta skroppið í smá frí, án þess að leggja bátnum á meðan.

Aðspurðir um afla: 
Eruð þið með þokkalegan eða góðan afla? 
Sá sem svaraði, brosti blítt og sagði;
„Mjög góðan afla af fallegum og vænum fiski, rúm 6 tonn.“