Listakonan Alla Sigga

Eins og áður hefur verið sagt frá dvelur listakonan Aðalheiður S. Eysteinsdóttir í Herhúsinu þessa dagana og  síðastliðinn sunnudag var hún með opið hús. Fjölmargir heimsóttu listakonuna og sáu verk hennar en einnig gátu gestir spreytt sig á að búa til sín eigin listaverk því nægur var efniviðurinn og verkfærin til þess. Ótrúlegt er að sjá hve tréverk hennar eru raunveruleg og því líkast að þau séu lifandi.


Á vefsíðunni www.freyjulundur.is má finna upplýsingar um verk og feril Öllu Siggu og hennar fjölskyldu.