Lítið augnayndi fyrir ferðamenn

Rækjuskel í smábátahöfninni

Þeir ferðamenn sem leið áttu um smábátahöfnina á Siglufirði á laugardag upplifðu ekki þá hreinu og skemmtilegu ásýnd sem smábátahöfn Siglufjarðar á nú að hafa, frákast skelja frá verksmiðjum flaut þar um allt.

Margt var um manninn á Siglufirði á laugardag enda útskriftir í gangi hjá MTR. Þá lagði einnig leið sína um fjörðinn mikill fjöldi ferðamanna, bæði innlendra og erlendra, sem margir hverjir stöldruðu við á smábátahöfninni. Um leið og þeim var litið niður blasti við þeim frekar óspennandi sjón sem dró verulega úr þeirri ímynd um hreinleika sem svæðið hefur skapað sér.