Menning gegn kreppu

Ungmennafélagið Glói blæs í glóðir íþrótta og menningar og hefur undanfarin ár staðið fyrir vinsælum ljóðakvöldum. Í kvöld, föstudag 5. desember, kl. 20.30 verður tólfta ljóðakvöld Glóa haldið á Allanum. Sem fyrr munu nokkrir valinkunnir bæjarbúar stíga á stokk og flytja ljóðadagskrá í tali og tónum

og er þar bæði um að ræða eigin kveðskap og annarra.  Ávallt hefur verið glatt á hjalla á þessum kvöldum og því upplagt að mæta og eiga góða og skemmtilega stund á aðventunni.  Sem fyrr er aðgangur ókeypis.