Ljósmyndað í Héðinsfjarðargöngum

Japanski ljósmyndarinn Kyoko Hamada er um þessar mundir stödd á Siglufirði og vinnur að nýrri ljósmyndaseríu.

Kyoko sem býr í New York hefur mikinn áhuga á landi og þjóð og dvaldi síðasta sumar í gestavinnustofu á Skagaströnd en er nú komin á Siglufjörð.

Hún hefur verið að mynda Siglfirðinga inn í Héðinsfjarðargöngum og verður spennandi að sjá útkomuna enda mjög spennandi og góður ljósmyndari hér á ferð.

Verk Kyoko má skoða á heimasíðu hennar.