Menntaskólinn að verða klár

Framkvæmdir við Menntaskólann á Tröllaskaga eru á fullu enda á skólinn hefjast 23. ágúst samkvæmt stundaskrá. Iðnaðarmenn eru búnir að vinna frábærlega og á stuttum tíma hafa miklar breytingar orðið á húsnæðinu.

Menntasskólinn á Tröllaskaga verður settur í fyrsta sinn nk. laugardag og eru bæjarbúar hvattir til þess að koma og kynna sér skólann.

Húsnæðið var farið að láta á sjá og þarfnaðist nokkurs viðhalds þegar að skólinn fékk það til afnota í júní. Iðnaðarmenn gengu rösklega til verks og hafa margir lagt hönd á plóg og allt að verða klárt fyrir skólasetninguna á laugardaginn.



Stofurnar eru bjartar og rúmgóðar.



Húsnæðið er allt orðið nútímalegra og léttara.



Iðnaðarmenn að störfum.

Eftirfarandi boðsbréf hefur verið gefið út af skólameistara Menntaskólans á Tröllaskaga:

Ágætu íbúar Fjallabyggðar

Laugardaginn 21. ágúst verður Menntaskólinn á Tröllaskaga settur í fyrsta sinn. Það er okkur sönn ánægja að bjóða ykkur að taka þátt í þessum gleðidegi með okkur.

Dagskrá:

14:00 Setningarathöfn í Tjarnarborg, Ólafsfirði

15:00 Menntaskólinn á Tröllaskaga:

    Gjöf frá Háfelli, steinn úr Héðinsfjarðargöngum afhjúpaður.

    Sr. Sigríður Munda blessar skólahúsið

    Skólinn formlega settur af skólameistara.

    Opið hús með kaffi, ástarpungum ásamt ís fyrir börnin.

Virðingarfyllst

Lára Stefánsdóttir

skólameistari