Mjög góður árangur hjá Glóa á Íslandsmóti 11-14 ára

Frjálsíþróttaiðkendur Umf. Glóa náðu mjög góðum árangri á Íslandsmóti 11-14 ára sem fram fór um síðustu helgi í Reykjavík. 

Mótið var mjög fjölmennt, um 360 keppendur, og um 30-50 keppendur í flestum greinum. 

Hjá Siglfirðingunum bar hæst árangur Patreks Þórarinssonar sem gerði sér lítið fyrir og náði í silfrið í hástökki 12 ára stráka með því að stökkva 1,35m og varð einnig 6. í langstökki og 11. í kúluvarpi. 

Arnar Þór Sverrisson varð í 4. sæti í kúluvarpi, í þriðja sinn á stórmóti, og bætti árangur sinn verulega.  Salka Heimisdóttir náði best 5. sæti í kúluvarpi og Torfi Sigurðarson bætti sinn persónulega árangur í hástökki og langstökki og setti aldursflokkamet hjá Glóa í þeim greinum. 

Árangrar Patreks í hástökki og langstökki og Arnars í kúluvarpinu eru einnig aldursflokkamet hjá félaginu
Tóti