Myndasyrpa - 100 ára afmælisveisla Nönnu Franklín

Þann 12. maí varð okkar áskæra, Nanna Franklín 100 ára.

Bauð Nanna ættingjum sínum og sveitungum í veglega afmælisveislu í Skálahlíð þann 13. maí. Mætti þangað fjöldi manns til að samfagna með henni.

Sungið var fyrir afmælisdömuna, haldnar ræður þar sem farið var yfir lífshlaup hennar og sagðar af henni margar skemmtilegar sögur.

Skemmtu veislugestir sér hið besta og ekki síst afmælisdaman sjálf sem ljómaði af gleði.

Veislan tókst vel í alla staði, enda glæsilegt veisluborð sem svignaði undan kræsingunum og gleðin í fyrirrúmi. 

Nanna Franklín 100 ára

Ættingjar Nönnu mættu að sunnan

Mikil gleði hjá Nönnu að hitta jafnt unga sem aldna ættingja, tók ég eftir því að hún þekkti alla með nafni

Óli Kára að fagna með Nönnu. Man eins og það hefði verið í gær þegar Óli Kára skartaði sinni flottu Nönnu Franklín húfu í 12 ára skólaferðalaginu. Þá var allur hópurinn með hvítar og rauðar húfur sem hún hafði prjónað

Afmælissöngurinn sunginn fyrir Nönnu af hjartans innlifun

Spilað og sungið fyrir Nönnu

Nanna í hróka samræðum við Björn Valdimarsson

Glæsilegar veitingar voru á boðstólnum

Nanna í essinu sínu

Kristján L. Möller gerði sér ferð norður til að samfangna með vinkonu sinni, Nönnu Franklín

Gleði

Myndir: Kristín Sigurjónsdóttir
Texti: Kristín Sigurjónsdóttir