Nú eru það stelpurnar okkar

Stórleikur í blaki verður í íþróttahúsinu miðvikudaginn 25. nóvember kl. 18:20. Þar taka Súlurnar á móti Skautum frá Akureyri. Langt er síðan lið frá Siglufirði hefur tekið þátt í Íslandsmótinu í blaki en Súlurnar spila í 2. deild.
Anna María Björnsdóttir hefur verið þjálfari Súlnanna í vetur og verður spennandi að sjá árangurinn af því en Súlurnar hafa þegar leikið á Akureyri við góðan orðstír. Nú er um að gera að fylla höllina og hvetja stelpurnar okkar, gengið verður inn að sunnanverðu og húsið opnar kl. 18:00.

Áfram Súlur.

Einbeittar ganga þær til leiks.



Framlínan er öflug.



Vonandi verður leikgleðin í fyrirrúmi.