Nýr Norðlenskur Banki?

Ríkisútvarpið var með frétt í dag um stofnun nýs norðlensks banka.  Í fréttinni kom fram að um væri að ræða víðtæka sameiningu sparisjóða á norðurlandi með aðkomu Saga Capital og hugsanlega Kaupfélags Eyfirðinga og Kaupfélags Skagfirðinga.
Siglo.is hafði samband við Ólaf Jónsson hjá Sparisjóði Siglufjarðar til að fá staðfestingu á viðkomandi frétt. Ólafur sagðist ekki hafa heyrt fréttina og ekki kannast við fyrirhugaða stofnun á nýjum banka undir forystu Saga Capital.  Að sögn Ólafs þá eru Sparisjóðirnir eins og aðrar fjármálastofnanir að endurskoða rekstur sinn og framtíð.