Ratleikur á Sigló

Ekki áttaði ljósmyndari síðunnar sig alveg á því hvað stelpurnar 

voru að leika, sem tóku sig til við að hjálpa honum að fylla innkaupakörfuna inni í versluninni Samkaup/Úrval í gær,  þær hlupu um verslunina sitt á hvað og sóttu vörur sem skrifaðar voru á “tossamiða” hans og las upp.
Þær settu síðan vörurnar eftir að búið var að greiða þær, í burðarpoka og báru út í bíl.

Eftir því sem næst var komið mun þetta hafa verið hluti af einskonar ratleik sem þær voru í undir umsjá kennara, en samsvarandi hópar voru við annarskonar verkefni víðar á Siglufirði í gær.