Reitir , alveg hreint magnað verkefni

 

Reitir sem er alþjóðlegt samvinnuverkefni verða með opnun á Siglufirði í dag 14. júlí

 

 

 Eins og einhverjir hafa sjálfsagt tekið eftir hafa sprottið upp alls konar nýbyggingar víðs vegar um Sigló. Ég hitti á nokkra listamenn í gær sem voru að leggja lokahönd á verkefnið sitt. Þetta tiltekna verkefni sem ég skoðaði var alveg magnað.

 

 Þegar ég kom þarna að og var búin að taka nokkrar myndir af þeim buðu þeir mér að kíkja inn í kassann sem þau voru að smíða. Ég var nú ekki alveg viss með þetta og umlaði eitthvað um að ég færi kannski bara á morgun (semsagt í dag). En það var ekki við það komandi, inn í kassann færi ég. Það er ekki alltaf sem fólki væri boðið í svona for skoðun. 

 

Ég tróð mér inn í kasskvikindið með herkjum, óhljóðum og örlitlum viðrekstri. Á meðan ég var að bókstaflega troða sjálfum mér þarna inn í kassann hugsaði ég með mér, af hverju í fjandanum vilja þeir endilega að ég fari inn í þetta dót, og loki á eftir mér? 

 

 Mér stóð ekki alveg á sama þegar ég lokaði en um leið og allt var orðið myrkvað þá kom það í ljós. Svolítið skrítin þessi setning "allt var orðið myrkvað þá kom það í ljós". 

 

En jæja, hvað um það. Ég ætla ekki að segja meira um þetta fyrr en eftir þessa opnun í dag. Ef þið gerið eins og ég og troðið ykkur inn í kassann , þá vona ég að þið verðið jafn hissa og ég á því sem fyrir augu ber. Ég ætla allavega að reyna að kíkja á sem flest verkefni sem eru hingað og þangað um bæinn.

 

Boðið verður upp á léttar veitingar í Alþýðuhúsinu þar sem einnig verður hægt að fá frekari upplýsingar um verkefnið og staðsetningu verkanna.

 

Svo fékk ég þessar upplýsingar sem eru hér fyrir neðan um tímasetningu fyrir 14. júlí