Rútuferðum fækkar milli Siglufjarðar og Sauðárkróks

Samkvæmt nýjum samningi sem fyrirtækið Bílar og Fólk ehf, Sterna og Vegagerðin hafa gert með sér munu sérleyfisferðir milli Siglufjarðar og Sauðárkróks fækka úr 7 á viku í 3 á viku. Ekið verður á þriðjudögum, föstudögum og sunnudögum.

Á þriðjudögum og föstudögum verður farið frá Siglufirði klukkan 7:45 og frá Sauðárkróki klukkan 13:55. Á sunnudögum verður farið klukkan 15:00 frá Siglufirði en til baka frá Sauðárkrók klukkan 19:55. Samkvæmt tilkynningu eru þessar áætlunarferðir farnar í veg fyrir rútuna milli Akureyrar og Reykjavíkur og til reynslu fram í maí, ef þær verða ekki nýttar að einhverju leiti verða þessar ferðir lagðar af.

Eins og allir vita hafa samgöngur milli Siglufjarðar og Akureyrar stórbatnað og hefur fólk nýtt sér það í stórauknu mæli. Ekki er því einkennilegt að almenningssamgöngur milli Siglufjarðar og Sauðárkróks séu nú endurskoðaðar.