Endurreisn Salthússins á lóð Síldarminjasafnsins

Fyrsta skóflustungan hefur verið tekin og grafið fyrir sökklum.

 

Að sögn Örlygs Kristfinnssonar hafa verið farnar nokkrar ferðir á geymslustað hússins á Akureyri. Þann 13. júni hófst flutningur húspartanna. Svo stórt er þetta og erfitt viðureignar að enginn annar flutningsmáti var fyrir hendi en sjóleiðina með skipi. Gunnar Júlíusson er þá bjargvætturinn eins og svo oft áður. Í þessari fyrstu ferð voru bara teknar gólf- og lofteiningar. Siglingin tók sex tíma hvora leið. Í næstu viku er svo stefnt að því að flytja veggeiningar og mikla bitastæðu.

 

"Til þess að þetta allt geti tekist þarf góðan tækjabúnað sem flýtur á grasi, malbiki og sjó og ekki síður mikinn áhuga, skipulagsgáfu og velvilja manna í kringum okkur - og það er ekki skortur á slíku frekar en áður þegar mikið liggur við hér á safinu" segir Örlygur.

 

Þetta verður vafalaust glæsilegt hús og þökkum við Örlygi kærlega fyrir upplýsingarnar og myndirnar.