Fréttablað Siglfirðingafélagsins komið á Tímarit.is

Í gær var lokið við að skanna inn alla 24 árgangana af Fréttablaði-Siglfirðingafélagsins, frá 1988 til 2011, og setja blaðið inn á Tímarit.is, þar sem það verður í góðum félagsskap hundruða íslenskra blaða og tímarita. 

Þar með verður hægt að fletta blaðinu, sem hefur flutt mikinn fróðleik gegnum tíðina, og leita að einstökum efnisorðum. Stjórn Siglfirðingafélagsins ákvað að ráðast í þetta verkefni í tilefni af 50 ára afmæli félagsins á þessu ári.

Þess má geta að nokkur siglfirsk blöð eru komin inn á þessa vinsælu vefsíðu Landsbókasafnsins svo sem Fram (1916-1922), Glettingur (1923), 1. maí (1929-1955) og Þytur (1954-1955). Ekki verður þess langt að bíða að Framtíðin (1923-1927) verði einnig aðgengileg.

Slóð á Fréttablað Siglfirðingafélagsins: http://timarit.is/view_page_init.jsp?pubId=627&lang=is

Texti: Jónas Ragnarsson.