Sjóvarnargarðar á Siglunesi

Skipulagsstofnun hefur komist að þeirri niðurstöðu að gerð tveggja sjóvarnargarða á Siglunesi við Siglufjörð og efnistaka vegna þeirra skuli ekki háð mati á umhverfisáhrifum. Um er að ræða gerð tveggja sjóvarnargarða sem samtals eru áttatíu metra langir auk 1600 rúmmetra efnistöku.

Sjóvarnagörðunum er ætlað að verja annars vegar fiskverkunarhús og hins vegar frístundahús á Siglunesi, sem talið er að geti orðið fyrir tjóni af völdum sjógangs. Lögum samkvæmt má kæra úrskurð Skipulagsstofnunar til umhverfisráðherra og er kærufrestur til 2. mars.

frettir@ruv.is