Slitþolin möl til malbikunar

Flutningaskipið Helena lagðist að Óskarsbryggju á Siglufirði í kvöld um klukkan 19:00. Skipið er fulllestað sérstakri slitþolinni malartegund sem notuð verður í malbikunarblöndu á þjóðveginn frá norðurenda Lageyrarvegar allt inn í og gegn um Héðinsfjarðargöng og inn í Héðinsfjörð. Áætlað er að það verk hefjist nú seinnipart ágústmánaðar.
Þetta er farmur númer 2 af fleirum sem eiga eftir að koma til verksins. Fyrsti farmurinn kom til Siglufjarðar á síðastliðnu ári.

Myndin var tekin klukkan 18:50 er fyrstu landfestar  voru komnar á polla.

Á myndinni sjást risastórir efnisflutningabílar og vinnuvélar bíða eftir að uppskipun hefst.