Sólstöðugangan

Fréttir

Sólstöðugangan

Mynd / Hans- Jürgen Koepp-Bank

Ferðafélag Siglufjarðar stóð fyrir árlegri Sólstöðugöngu sl. föstudag.

Vegna þoku varð að breyta gönguleiðinni frá því sem auglýst hafði verið. Byrjað var við skíðaskálann kl. 21:30. Gengið upp skarðið að hluta og svo norður eftir fjallahryggnum og komið niður í Hvanneyrarskál. Ferðin tók ca. 5 tíma að þessu sinni.

Frábært gönguveður en því miður var heldur mikil þoka þannig að útsýnið var ekki upp á það besta.

Yngsti göngugarpurinn var aðeins 10 ára og kláraði hún gönguna með stæl.

Myndirnar tók Hans- Jürgen Koepp-Bank, þýskur prófessor sem starfar nú í sumar við Háskólann á Akureyri. Hann var þarna ásamt konu sinni. Svo voru tveir Frakkar með í för. Fimm heimamenn og restin íslenskir „túrhestar“.

Það voru þeir Gestur Hansa og Halldór Þormar formaður Ferðafélags Siglufjarðar sem leiddu gönguna.