SPS gefur krökkum jóladagatöl

Tekið móti dagatölum í SPS. Ljósmyndari; Gunnlaugur Stefán Guðleifsson

Sparisjóður Siglufjarðar hefur gert það að hefð að gefa öllum krökkum á Siglufirði, yngri en tólf ára, jóladagatal Lions.

Krakkarnir koma í bankann og sækja sér dagatalið, uppfullt af súkkulaði.

Þetta árið keypti Sparisjóðurinn 250 jóladagatöl af Lionsklúbb Siglufjarðar og styrkir þannig bæði fjölskyldur og félagsstörf í bænum. Að sögn Laugu, sem sér um að dreifa dagatölunum, eru nú um 50 stykki eftir og ferð því hver að verða síðastur að nálgast dagatalið sitt enda mátti gæða sér á fyrsta súkkulaðinu í gær.