Stefánstöltið 2014

Föstudaginn 6. júní var hestamannamót hjá hestamannafélaginu Glæsi á Siglufirði og ber mótið nafnið Stefánstöltið.

Allir sem tóku þátt í mótinu þurftu að sýna tölt. 

Árið 2002 gáfu systkinin Brynja Stefánsdóttir og Skjöldur Stefánsson hestamannafélaginu bikar til minningar um föður sinn Stefán Stefánsson frá Móskógum, sem var búsettur nær allan sinn aldur á Siglufirði.

 

Stefán var ötull og framsækinn áhugamaður um málefni hestamanna og beitti sér fyrir bættri meðferð hesta og glæddi áhuga á ágæti og þekkingu þarfasta þjónsins. Stefán var stofnfélagi Glæsis og formaður í fyrstu tíu árin.

 

Bikarinn er farandgripur og veittur til eins árs í senn þeim hesti sem stendur efstur í töltkeppni sem haldin er árlega og skal eigandi hestsins vera í hestamannafélaginu Glæsir.