Super Troll Ski Race – Alþjóðlega fjallaskíðamótið á Tröllaskaga
sksiglo.is | Almennt | 02.05.2014 | 06:00 | Jón Hrólfur Baldursson | Lestrar 618 | Athugasemdir (
Super Troll
Ski Race – Alþjóðlega fjallaskíðamótið á Tröllaskaga.
Skíðafélag Siglufjarðar Skíðaborg mun halda fyrsta fjallskíðamót landsins þann 3. maí nk. og rennur allur
ágóði þess til barna- og unglingastarfs félagsins.
Mótin verða síðan árlegur viðburður hjá félaginu.
Við leyfum okkur að fullyrða að vagga íslenskrar skíðamenningar hafi verið og sé á Tröllaskaga og þá
aðallega á Siglufirði, Ólafsfirði og í Fljótum. Tröllaskagi sé jú rómaður bæði innanlands og utan fyrir
frábærar aðstæður. Því sé rökrétt að eitt elsta skíðafélag landsins, Skíðafélag Siglufjarðar,
hafi forystu um að halda veglegt fjallaskíðamót.
Mótið hefst með staðgóðum morgunverði í boði Rauðku á Kaffi Rauðku þar sem keppendur koma saman ásamt
gestum. Að honum loknum verða keppendur keyrðir að upphafsstað við Heljartröð og verður gengið þaðan yfir Siglufjarðarskarð og endað
við skíðaskálann Skarðsdal. Keppnisleiðin er krefjandi og því mikil örgrun fyrir þátttakendur. Þó er gert ráð
fyrir að allir sem eitthvað hafa stundað fjallskíðun geti tekið þátt og farið keppnisleiðina.
Að móti loknu er gestum og keppendum boðið til móttöku í Síldarminjasafninu en þar er einnig verðlaunaafhending.
Verðlaun eru vegleg en fyrstu verðlaun í karla-og kvennaflokki eru þyrluskíðun í boði Eleven Experience og Orra Vigfússonar.
Önnur og þriðju verðlaun er veglegur búnaður frá x í boði Fjallakofans.
Fyrirtæki hafa styrkt mótið með fjárframlögum og hefur Skíðafélag Siglufjarðar sett upp skilti við veginn upp í
Skarðsdal þar sem helstu styrktaraðilar koma fram.
Athugasemdir