Tækifærismynd

Myndin hér var tekin klukkan 16:38 í dag sunnudag, svona út í loftið eins og sagt er, en þarna eru áhugamenn um smábátaútgerð væntanlega að stinga saman nefnum.

Í forgrunni er svo eitt af mörgum glæsilegum fleyjum sem snillingarnir hjá Siglufjarðar Seig hafa smíðað.

Báturinn sem þarna er leguplássinu sínu vestast í Bátahöfninni á Siglufirði, er nefndur eftir  aflaklónni Ragga Gísla, og er í eigu sonar hans Ragnars Ragnarssonar.