THE CRYSLER BUILDING 1930 á Sigló

Mynd / Hlynur Jónsson Arndal

Innsent efni.

Fyrir stuttu fór ég í göngutúr á Siglufirði sem er ekki í frásögu færandi. Ég rambaði hins vegar á tvær steinhellur á íþróttavellinum við Túngötu. Á þeim eru áletranir sem greinilega hafa verið málaðar með mjög endingargóðum efnum.

Á annarri hellunni stendur “ THE CRYSLER BUILDING 1930” og á hinni “ ARKITEKT WILLIAM VAN ALEN”.  Google könnun leiddi í ljós að byggingu Chrysler turnsins lauk í maí 1930 og  á þeim tíma var hún hæsta bygging í heimi, þótt það met stæði ekki nema í 11 mánuði en þá lauk byggingu Empire State í New York. Hönnuður þeirrar byggingar var William Van Alen, en ég get ómögulega tengt hann eða Chrysler Bygginguna við Íþróttavöllinn á Siglufirði.

Eftir því sem ég best veit þá var íþróttavöllurinn vígður árið 1944 þannig að tenging við völlinn virðist ekki vera til staðar. Stafsetning á orðinu ARKITEKT bendir til þess að enskumælandi aðili hafi ekki gert þessar áletranir.

Hugsanlega eru áletranirnar frá síðari tímum svo sem frá síðustu aðgerðum Reita, en eftir stendur að hellurnar sjálfar hafa greinilega verið þarna í áratugi og þá fróðlegt að vita um tilgang þeirra ef áletranirnar reyndust of nýlegar til að vera áhugaverðar

Fróðlegt væri að vita hvort einhver hefur vitneskju um tilurð þessara áletrana?

Kveðja, Hlynur Jónsson Arndal