Þorpið - Ljóðaleikur

Eins og ég hef áður greint frá munum við Logi bróðir frumflytja ljóðaleikinn Þorpið, eftir samnefndri ljóðabók Jóns úr Vör, á uppvaxtarstað skáldsins Patreksfirði þann 6. júní nk, en það er laugardagurinn fyrir sjómannadaginn.  Ég flyt eigin lög við ljóð úr þessu magnaða verki og Logi flytur ljóð í töluðu máli og setjum við þetta í einhvern einfaldan en skemmtilegan búningNú er búið að ákveða að tvær sýningar verða á verkinu þennan dag á Patró, kl. 11.00 í kirkjunni og kl. 20.00 í Skjaldborgarbíói en alls er stefnt að 6-7 sýningum þessa helgi á nokkrum stöðum á Vestfjörðum.  Svo verða fleiri sýningar í sumar fyrir vestan og jafnvel víðar.