Togarafélag Hafliðagutta

Við drengirnir í Togarafélagi Hafliðagutta erum að undirbúa okkar árlega Herrakvöld Kótelettufélags Hafliðagutta, - Kótelettukvöldið var haldið á síðasta ári í Turninum nítjándu og mættu þá um 80 manns og margir hafa haft samband og forvitnast hvor ekki ætti að gera þetta aftur.

 

Nú verðum við með Herrakvöld í Turninum þann 4. desember n.k. og erum við búnir að fá Ásmund Friðriksson matmanninn mikla og kótelettuáhugakall til að sjá um veislustjórn og síðan ætlar Eiríkur Friðriksson að sjá um að kóteletturnar verði meðhöndlaðar á réttan hátt, engin fituskurður, þær barðar á báðum hliðum, laukurinn steiktur í miklu smjöri og mikill sykur notaðar á kartöflurnar, rabbarbarasulta, rauðkál og grænar Ora. Síðan skolum við þessu niður með Lybbis Kocteilávöxtum, ís og þeyttum rjóma, Malti og Appelsíni - Allt eins og var gert í þá gömlu góðu daga.

 

Allur ágóði rennur til uppbyggingar félagsins og í smíði á fleiri módelum af togurum íslendinga - Um miðasöluna sér gunnar@merkismenn - sími: 544 20 30