Undir grun

Undir grun Aðalfrétt gærdagsins, á eftir ruglinu í Davíð, var sú að Gunnar Örn Kristjánsson sagði af sér sem stjórnarformaður Kaupþings þess nýja eftir

Fréttir

Undir grun

bjoval.hexia.net/faces/blog/list.do?face=bjoval | Rebel | 26.02.2009 | 05:57 | Robert | Lestrar 322 | Athugasemdir ()
Björn Valur Gíslason
Björn Valur Gíslason
Aðalfrétt gærdagsins, á eftir ruglinu í Davíð, var sú að Gunnar Örn Kristjánsson sagði af sér sem stjórnarformaður Kaupþings þess nýja eftir aðeins tvo daga í starfi. Að sögn sagðist hann ekki hafa tíma til starfans en það er bara léleg afsökun sem engin tekur mark á. Viðskipti hans við aðra núverandi ríkisbanka er auðvitað ástæða afsagnarinnar og ástæðulaust að vera að þræta fyrir það, hversu vænn maður sem þessi Gunnar kann að vera. Þetta mál og reyndar fleiri sem hafa komið upp af sama toga á síðustu mánuðum, vekur hinsvegar upp spurningar um hvort ekki sé komin tími til að standa með öðrum hætti að ráðningum í opinber embætti og til starfa hjá ríkinu.Fyrir utan hæfniskröfur hlýtur nú að þurfa að gera ríkari kröfur til þeirra sem gegna slíkum störfum, t.d. varðandi hagsmunatengsl, fjölskyldu- og vinatengsl ásamt öðru því sem getur orkað tvímælis og vakið tortryggni á störfum viðkomandi. Nú eru aðrir tímar en áður og flestir þeir sem hafa komið að viðskiptalífinu með einum eða öðrum hætti liggja undir grun um að hafa eitthvað misjafnt í pokahorninu, flestir að ósekju en aðrir verðskuldað. Á þeim tímum sem við lifum núna verður því að vanda hvert skref sem tekið er og reyna eftir fremsta megni að forðast að skapa óróa eða tortryggni með ráðningum í vandasöm opinber störf. Það er því spurning um það að mínu mati hvort ekki þurfi að ganga nær þeim sem ráðast til slíkra starfa, kanna hagi þeirra betur og krefjast meira af þeim en nú er gert til að koma í veg fyrir slíkt. Það má þó aldrei ganga svo langt að um einhverskonar gerilsneyðingu verði að ræða og kröfur gerðar um að ferill umsækjenda um störf hjá ríki og bæ sé eins og ný straujað lín. Enginn er algjörlega vammlaus enda hlýtur slíkt fólk að vera hræðilega leiðinlegt. En það verður að fara nýjar leiðir í þessum málum sem öðrum. Engin spurning um það.
Til baka

Athugasemdir

10.janúar 2025

Sk Sigló ehf.

580 Siglufjörður
Netfang: sksiglo(hjá)sksiglo.is
Fylgið okkur á Facebook eða Twitter

Póstlisti

Skráðu netfangið þitt á póstlistan okkur.

Ábendingar

Ertu með ábendingu fyrir síðuna eða góða frétt? Sendu okkur þá póst og við könnum málið.

Sendu póst