Siglunes er landnámsjörð sem Þormóður rammi byggði. Í meira en 600 ár var aðalkirkja á Siglufirði þar og en árið
1614 var hún flutt til Siglufjarðar. Á Siglunesi var einnig þingstaður allra íbúa Sigluneshrepps hins forna. Um aldir var Siglunes ein af mikilvægustu
verstöðvum landsins. Sjómenn sóttu þangað til róðra víða að og fluttu í heimabyggðir sínar skreið og hinn fræga
Sigluneshákarl.
Viti var reistur á Siglunesi árið 1908. Um 40-50 manns bjuggu á nesinu á fjórða áratugnum og var þá kominn sími ásamt
vindrellum, síðar komu díselrafstöðvar. Mikið tjón varð á Siglunesi árið 1934 vegna veðurs og í kjölfarið af
því fóru menn að sækja til Siglufjarðar þar sem síldarævintýrið var í fullum gangi. Enginn hefur haft vetursetu á
Siglunesi um margra ára bil og lagðist byggð þar af árið 1990.
