Reiðhjól frá Amsterdam
Ný þjónusta í boði hjá Siglunes Guesthouse
Vakið hefur athygli að um götur bæjarins hafa verið á ferðinni virðuleg hjól í gömlum stíl og borið merki Siglunes Guesthouse.
Hálfdán Sveinsson eigandi og rekstraraðili Siglunes Gusthouse var spurður út í þessi hjól og hvað væri framundan með þau. Hann sagði okkur frá því að er hann var á ferðinni úti í Hollandi fyrir stuttu fann hann þessi hjól. Honum fundust þau alveg í anda Siglunes Guesthouse, í fallegum gömlum stíl.
Hálfdán Sveinsson eigandi Siglunes Guesthouse á einum reiðskjótanna
Ákvað hann að flytja inn nokkur stykki og bjóða gestum Siglunes upp á þá þjónustu að fá þau til að hjóla um bæinn. Þessi þjónusta hefur mælst alveg sérstaklega vel fyrir og gestirnir alsælir að fá að upplifa bæinn á þessum farartækjum.
Starfsmaður Siglunes Guesthouse getur staðfest að það er einstaklega
gott að hjóla á háu og þýðu hjólinu.
Heimasíða Siglunes Guesthouse: http://hotelsiglunes.is/
Myndir: Kristín Sigurjónsdóttir og Nonni Björgvins
Texti: Kristín Sigurjónsdóttir
Athugasemdir