Reitir settir
Reitir, alþjóðlegt skapandi samvinnuverkefni, hófst í gær þegar bæjarstjóri Fjallabyggðar, Sigurður Valur Ásbjarnarson, hélt ræðu og stjórnendur Reita, Ari Marteinsson og Arnar Ómarsson buðu alla þátttakendur velkomna.
Hingað til Siglufjarðar eru komnir 25 manns víðvegar að úr heiminum til þess að vinna saman að skapandi verkefnum í Alþýðuhúsinu næstu 12 daga. Þátttakendur Reita hafa Siglufjörð sem umfjöllunarefni sitt og það hráefni sem þeim býðst hér á staðnum.
Í morgun fór hópurinn í gönguferð og Aðalheiður sagði þátttakendum frá Siglufirði og í kvöld verða þátttakendur sendir í kvöldverðarboð víðsvegar um bæinn. Í hópnum er hönnuðir, sviðslistafólk, arkítektar, tónlistarfólk, myndlistarmenn og vísindamenn. Gaman verður að fylgjast með verkefninu næstu daga.
Reitir verða með reglulegar uppfærslur hér á vefnum meðan á verkefninu stendur. Nánari upplýsingar um Reiti má nálgast á http://reitir.com/ og á facebook síðu verkefnisins https://www.facebook.com/reitir
Athugasemdir